Уврамаш латт терса пхаьналгаш мо,
Бийсанега тешаме тархьараш дувцаш.
Дар гуш дац, доацар даиман гу,
Бlарго маlан хиннадац цхьаккха лувцаш.
Баьде бийса, баьде ди, баьде зама,
Тхьайса улла, йистахилац дуне.
Овлашца ийцар чу, онда гlама,
Догlаш делх, делх вай бlаргий фуне.
Да дог детталуш, сира серс наькъаш,
Седкъаш гуц, баьде я сигале.
Улла сатийна чурта кlала дакъаш,
Cинош лаьца цар кхест - азатле.
Шира файтон я уврама тlа йодаш,
Дакъса санна къайладаьлар цун сурт.
Ва дуне, хьа цlийх лийча човнаш,
Керда вахар хьош, дулл къона чурт.
Гlермане, 27. Бекаргa бетта 2011 шу