Мангала бlаргаш хьа, хьежа далар сога,
Аз йазде мегар тlаккха мерза каьхат хьога.
Бехказло гоалу хийла, лу гоа из дийна,
Селаlад лув сога, са сигале сийна.
Мангала бетта аз, гоа ца ве мегар хьо,
Селлара зовза кхийста везар хlана веддар хьо?
Со-м бетта бийсаш дагарйеш йагlа,
Бовнага сигале кхухьийташ бага.
Бовно цу багаца седкъий хьалсегаш вай,
Доазадеш шовдаш, вайна йукъе маза-тай.
Лейе хlана гlийртар хьо, форддоазон фесархо.
Йовза йалар хьона со, гаьна кхийна Наьсархо.
Хийла лу гоа бехказло, дувцилга доацаш хlанз,
Довзаре дега чу латта сакхетамца къувса lанз.
Форддоазон фесархо, мангала бlаргаш хьа,
Шийла ле даьннад уж, хьо вицве веза са.
Гlалгlайче, 18. Мангала бетта 2019 шу