Корсама кlала совгlаташ доасташ
Эггара доккхагlа доа совгlат хьо да.
Aрара наькъаш лайчингаш хьоасташ
Са дог хьоастаргдар тахан хьо я.
Ала а ма оаларий, безам ба бала
Цlаьхха хьабайзача мара кхетабергбац.
Кlай ювргlан кlала, тхьайса улл гlала.
Тахан хьох къаста са безам бац.
Лаймунда латт вай фоартали дийха,
Эззара леторгаш лотаеннай.
Сигале хьежаш жовхьараш дийха
lан юкъе сона хьо хoзаеннай.
Ма ала везац, ма ала цlаьхха,
Сомадаьнна дог, юха, тхьовса ма де.
Цу седкъашта юккъера хьо лаьрхlа,
Хьахаржай aз, йоl, со теркал ве.
Гlермане, 17. Чантара бетта 2016