Гьикьван фад вун акъатна гад,
Мектебдиз чун физва яз шад!
Чирвилерин макан я ам,
Чи аялар хьанва хуррам!
Алукlна къе партал тlарам,
Муаллимриз гуз мад салам!
Гъиле цуьквер,кlуфални хъвер,
Кlвачерик куьн кваз хьурай звер!
Чирвилер квез къачу чlехи,
Уьмуьрдин рехъ язва яргъи!
Ферли хьайи береда куь,
Вилик фирай рекьяй гьяркьуь!
Муаллимар,квез даях я,
Аялар куьн, чи дамах я!
Кlвалах тахьуй гьич квай рехне,
Уьмуьрда яхъ куьн кьил вине!