Шауаланы Разият
СЕНИ СУРАП
Жюрегим алай сунады –
Сен манга шуёхса, тенг!
Ол сени сурап турады,
Сен – бола бараса кенг…
Сен узакъ жерде жашайса,
Сюйгенинг болур сени.
Эсгерсенг’ а, ахтынаса,
Унуталмайын мени.
«Ол манга керек тюйюлдю!» –
Деп турсам да кесиме,
Айтханым – керти тюйюлдю:
Сен жашайса эсимде.
Жашлыгъым, сабийлигимча…
Кёп чапханбыз арбазда…
Ол кюнню къарап кёрлюкча,
Мен къарайма ызыма.