Шауаланы Разият
АУРУДУНГ ДЕП ТЮШСЕ ЭСИМЕ
Ш. Р.
Солууум тыйылады бирде,
Ауругъанынг тюшсе эсиме.
Мен этеме санга тилекле,
Жукъ излемей башха кесиме.
Къадарым деп турама санга,
Насыбым деп, Аллах кёргенден.
Къаратаса мени аллынга.
Ауругъанса. Алай а… неден?
Жюрекден жюрекге элтген жол
Къачыргъанды кече жукъусун.
Бошалыб’ а къалмаз дейме ол,
Жел сюреди жолла букъусун.
Къарындаш не шуёхча келип,
Эсгериу кюч береди манга,
Сен – мени ёмюрге жан тенгим,
Мен узакъ жол тилейме санга