Шауаланы Разият
АЙЫП ЭТМЕ
Ш. Р.
Аллах алай уллу насып этди
Сени бла танышыргъа манга.
Тангда таугъа ол кюн болуп жетди,
Аны ючюн разыма мен санга.
Ариу насып жарытханлай келдим,
Узакъ ёмюр берсин Аллах санга!
Сен аурудунг… Не насыпсыз эдим!
Айып этме, айып этме сен манга.
«Сенден алгъа мен ёлейим!» – дедим,
Ол тилегим керти толса сюе.
«Сенсиз жашау – жашау тюйюл!» – дедим,
Сен къоркъутуп, санга къоркъуп, кюе….
Меничала кёп болурла жерде.
Сеничала – санап бири мингден!
Къарап турдум санай аны, тергей,
Кюн шош бата тургъан къыш ингирде.
Алгъын кибик, юйюм болду жарыкъ.
Жетгендиле тилеклерим кёкге.
«Турсун, – дедим, – жашау былай барып
Ёмюрлеге, къартдан жашха, кёпге…