Тlебиатда ади гьал я дегишвал,
Гатфар жегьил,гад цlай галай,зул-къизил.
Аватlани хъуьтlуьз вичин къайи ял,
Лацувилел алцур межер-туш кьуьзуь!
Уьмуьрдихъни ава и кьуд кьисметни,
Гатфар ашкъид,зул-гьисабрин вяде я.
Гату чирда гуз уьмуьрдиз къиметни,
Хва лугьуда,де вач хъуьтlуьн вягьтедай!
Тlебиатда зул нубатдин са чlав я,
Кьиляй-кlаниз ийервилин шикил я.
Уьмуьрдин зул рагъ экlидай са тав я,
Чун уяхиз,хъуьтlуь къанвай векил я!
Ам-тlебиат!Ава нубат,адетвал,
Де уьмуьрдиз хас туширни са гьунар!
Кьуд вядедин,авай,ая аявал-
Тикрар хъжеч уьмуьрда а элкъуьнар!
24-09-19