Зул атана, ахъайна рак,
Салам гуз рик1елай фена.
Гьикьван тади акатна вак,
Чими тир руьгь- вуна кьена.
Югъди -йифди, марфадин ван,
Гьикьван шехьда, цав, лагь кван заз?
Къвазнава зи к1арац хьиз чан,
Чимивал на къалура чаз.
Гар къекъвезва лепе хьтин,
Тарарилай пешер вегьиз.
Мурк1ади кьур къайи чилин,
Язухъ къвезвач садазни квез.
Чимивилихъ катиз нуьк1вер,
Цавун гъетер хьиз аквазва.
Чуьлда авай махпур цуьквер,
Къиравди гьик1 жакьваз ава.
Дагъларани гьатна серин -
Гьикьван куь рик1 я перишан ?
Ван амач мад гатун ширин,
Гьиниз катна ч1ур гуьлуьшан?
2 октябрь 2015 г.