К1анч хьтин к1вач адак гала,
Кьилелни бармак ала.
Т1уьрт1а пис туш гьар юкъуз,
Т1варни адан ...?
(Къарникъуз)
*****
Сандук я вич, кьуд пад киви битав,
Галач ракар адак, я галач къав.
Адан юкъва ава къизилдин к1ус,
Ам вуч ят1а, жаваб ни гуда, мус?
(Кьушран кака)
*****
Фида фад ам, акъвазаржедач,
Я к1вачарни квач, я луварар.
Адав садни агакъаржедач,
Вегь кван фад инал куь жавабар?
(Вахт, Ч1ав)
*****
Ч1улав ят1ани ам пехъ хьиз,
Луварни кват1а лекьрехъ хьиз,
Галазва крчарни виридаз хуш,
Амма я яцни туш, яни къуш...
(Ракьун пепе)
*****
Я дувулар аквадач, яни к1ан,
Виридалайни ам жеда къакъан.
Эхъецда цавуз, акваз к1анз фелек
Амма я тарни туш ам, яни лекь.
(Дагъ)
*****
Гапурдилай я хци,
Виртедлайни верци,
Тарагъаждай кудда,
Тахтуниз акьудда,
Ам гьар садаз ава,
Садбуруз "авачирдай" я
(Мез)
*****
Ам вуч я, дуьнья тирвал къекъведа,
Са п1ип1е амукъда?
(Почтунин марка)
Неда ада гьар са шеъ,
Неда тамни, кьвал, шуьше,
Ракьни неда, зунни, вун.
Гьик1 куьн мад гьавурда ттун?
Ам гъалибрилай гъалиб,
Ам гьакимрилай гьаким.
( Вахт, Ч1ав)
*****
Гьуьле ава, вац1ани,
Лув гудайла цавайни,
Къекъведа гьар уьлкведа,
Ахпа чилерал хкведа.
(Яд)
*****
Зун вид ят1ани,
валай пара менфят
къачузва ччарабури...
Вуч я зун?
(Т1вар)
*****
Гьар нянихъ заз лугьузва ийидай к1валах.
Гьар экуьнехъ, за ийизва заз лагьай к1валах
Амма вирида заз экъуьгъзава....
( Сяат, Будильник)
*****
Зал вилер алаз акъвазда вири,
Амма зун атайла, вири катзва.
Зун физва виняй агъуз,
Агъадай виниз фидач садрани.
(Марф)
*****
Адай гьикьван пара къачурт1а,
Са гьакьванни ам пара жеда.
(Фур)
*****
Санал акъвазтийиз, и патахъни,
а патахъни галтаджез ават1ани,
адахъ тахсир садани кутвадач.
(Маятник)
*****
Имуча муча, ни лугьуда,
Дагъдин пелел рухар агъурда?
(Вилин к1ак1амар)