Водар, тешаме гаьна воал.
Вай къаманхоша ишта оал.
Нийслу нийса, нийслу гоама.
Наькъаш, такаш - вахарий тоам.
Хьо lо мел вода, удда уж,
Хьолчул хьалхагlа хьалхе гуш.
Фу де. Леткъар пайдан ма дац.
Наькъашта тlехь aддал ма вац.
Суртанча мо хозленаш зувш.
Тоамаш таьме дега тlа дувш.
Дикача наькъа тlа хилда шо.
Са шераш, къонал, зlамига со.
Водар, тешаме гаьна воал.
Цун наькъа тlа доттагlал - цхьоал.
Лоралуш lоловза хьай ког.
Хьуладеш цатоамах хьай дог.
lо мел вода, уддаргда уж,
Хьолчул хьалхагlа хьалхе гуш.
Лувкхера lехош, хеталургда.
Хlаьта лувраш, кертауйлаш я.
Гlалгlайче, 01. Лайчил 2019 шу