Уйламугlараш хьакхолла, воагl со lамаш.
Ха йоалаш, царех еш тамашийна тамаш.
Бакъда уж деша, саг коравагlац, хийла.
Хьалха мо латтац наlараш а, хlанз, йийла.
Хийла, аз селхан яздаьр чlоагlа хозахеташ.
Саг нийслу, хила мег, да адам шийдар хеташ.
Керда мугlар болла безам отт каьхата кховдаш.
Ма-могга язде хьо а хьож, шаькъа дика lовдаш.
Фуд из. Гуйра хана дог чlоагlа чlахкаш.
Хьа керта чу эзара уйла лехкаш.
Мугlара тlа мугlар булаш, гlала йотташ.
Ший тайпара товш хьабоагlа гуйра хотташ.
Со уйламугlараш хьакхолла, воагl lамаш.
Ха йоалаш, царех еш тамашийна тамаш.
Хала хетац, уж lодеша сац ца хилар.
Сай дега ниl аз хийла, кхычунна йилар.
Гlалгlайче, 8. Лайчила бутт 2019 шу