Лезги велаят дагъларин хурал.
Вичин зегьметдин фу незвай гьалал.
Хайи дидейрин ч/ал кьазвай вине
Къадим тарихдин къучагърин уьлкве.
Дагъдин хуьреркай ийиз шегьерар
Михьи цав кьилел к/вачик мермерар
Зегьметчи халкьди къакъажна хилер
Кардик кутунва къуватлу гъилер.
Якъин я килиг зегьметдин бегьер
Цавун аршдава мертеба к/валер
Садбур мачхул я цеквер хьиз чилел
Накьвар Ватандин т/ушуниз гъилел.
Хайи чилерик кутаз девлетар
Гурай лугьуз чаз ширин няметар
Т/ебиатдини вичин падай ваз
Парталар цванва махпурдин наз-гваз
Каспий гьуьлуьни лепейралди кьаз
Шалбуз дагъларин шагьвар вирт хьиз къваз
Дат/ана михьи ийизва гьава
Чи лекьери лув гуй лугьуз цава.
Гьак/ тирвиляй чун физва къе вилик
Берекат кутаз чи хайи чилик
Гегьеншдиз велик вегьезвай камар
Дагъви кьегьалрин аквазва гьунар.