Наталіцца
(на белорусском языке)
Восень затрымалася, ў фаворы
І ў прыродзе і ў маім жыцці
Радуе лагоднасцю надвор`е,
А зіму – яе ж не абысці?
З`явіцца красуня нечакана,
Белізной асвеціць ўвесь абшар
І, напэўна, здарыцца спантанна,
Што пазбавіць сэрца ўзнёслых мар?
Холадам дыхне сваім бялёсым,
І пасыпе шчодраю рукой
Белым-белым срэбрам чорны косы,
І адорыць прыкраю тугой.
Мой анёл – ён, пэўна, шчыра просіць
Неба нашу восень затрымаць,
Каб яе дарункі, што прыносіць,
Я паспела ад яе прыняць.
Каб магла ўволю наталіцца
Фарбамі, адценнем пачуцця,
Каб паспела сэрцам надзівіцца
Хараством кахання і жыцця.