Ей жыIакIуэ, щыт нэхъ Iущу,
Уи жьэм къоплъ цIыху куэд,
Ущымыту нашэкъашэу -
Бэм уэздыгъэу яхуэлыд.
Ныкъусэн и бэу, куэду гъащIэм,
Зэман хьуау къокIуэкI,
Бжыгъэ яIэкъым гунэщIым -
БлэкIам куэд хуоплъэкI.
Узмыхьынум зэмыгъэхьу,
Ахэр нэкIэ зэгъэлъагъу,
ЖьэкIэ пэжыр сэтей къэщIи -
Яхуэхъуф - дэIэпыкъуэгъу!
Шыгур здэжэм зым укъикIыу,
Дау адрейм укIуэнт,
Социализмэм шыр щIатIыкIри,
Куэд гъэпкIау утыку къинащ.
А блэкIам къэгъазэ иIэу,
ЯжомыIэ цIыхухэм,
Куэд бощIэж, щыIащ мыдаIуэ, -
Иджы, яIэпэм йодзэкъэх...
Ерууэ, уафэм къахуэхам -
Куэд зэфIэгъэкIуэд,
ЗызмыIэжьэу сэтум хыхьэм,
Лыжь ишхыну игъуэтынщ.
Ей жыIакIуэ, бэм и вагъуэ,
Къет жэкъуахэм гугъэ,
IэнатIэ мыгъуэ Iуувахэр -
Хуэхей уфIэщI - быдагъэ.
2000 гъ.