Гатун югъ я,экуьнин яр-
Кума гьеле йифен гарар.
Кхьиз,чlуруз лацу ччарар
Ацlукьнава зун айвандал,
Са мили руьгь аваз чанда.
Хеб-мал катиз,катиз верчер,
Ван къвеч япаз... "сабагь","геже",
"Доброе утро","...день,вечер"...
Ина тамам маса гьал я,
Ина жуван дидед чlал я.
Са женнет я гъенер,салар,
Къугъунариз я аялар,
Секинвилин и завалар
Вуч ийер я!Хупl ийер я!
Яшайишдин лап тегьер я.
Ингье,шуькуь арх физава,
Ада багъдиз яд гъизава.
Заз са таниш ван гьизава-
Кlушкlушариз ттаран пешер...
Гьич рикlелни амач шегьер.
Цлак ква накьвадин муг,
Гагь-гагь кlаник аватиз руг...
Кlуфар хъипи кьуд чубарукl-
Гуьзетзава дидедин рехъ,
Гьазур жезва къакъуниз рвехъ.
Гьатна цуькед-ни къвез,векьин,
Ягъадай вахт гьанва якъин.
Ширин чlавар рикlел хкин...
Самавурни ргана мад-
Ша чаяр хъваз куьни агат.
Кьуд пад цуьк я,кьуд пад-къацу,
Ина рушар ийер,лацу.
За ийидач сугьбет яцlу-
Саки мах я,са суьгьуьр я,
Им югъ туш,им-са уьмуьр я.
15.11.16 г.