Хъуьт/уьн югъ тир экъеч/на зун куьчедал,
Жагъурна за фидай рехъ кам виликна.
Тирвиляй зун ашукь кас зи Куьредал
Зун адаз хьиз, зазни ам къе килигна.
Карагна зи вилерикай чкаяр
Гьич садрани акъат тавур фикирдай
Чуплах ят/ан тарарик квай ачаяр
Зун физавай гьа чи дагъдин жигъирдай.
Анжах пелтейри цаварай аватиз,
Гиширар жез тунавай зу суьгьуьрда.
Живер, мекьи кьуьд рик/елай алатиз
Къекъвезвай зун Ватан аваз фикирда.
Эхтибарнай зал ц/верек/ри живедин
Къвез зи гъилел мукъаятдиз ацукьиз.
Гьазур тир чеб алмаз хьана чигедин
Капун юкьвал са ст/ал хьиз аммукьиз.
Тек са чка , фикирдаваз хайи-чил
Чуькьвена за ст/ал къайи гъилевай
Тек са чка багьа я заз, гала вил
Эрзиман я , вун акун зи рик/евай.