Зи уьмуьрдин гьар са жигъир

Зи уьмуьрдин гьар са жигъир
        ви жигъиррин чешне хьана.
Къе ви гьалар, хайи Ватан,
        рикlиз хуш я вине хьана.

Гил вуч ийин, дерт я,– лугьуз
        рахунрикай хийир авач.
Къеце душман, къене душман,
        амукьайди фитне хьана.

Чи тарихдиз гьуьрмет ийиз,
        рикlе дамах хьун хъсан я.
Шел я азар, ажугъ–азар,
        лазим туш чи мецел хьана.

Усалда вич гьахъ я лугьуз,
        вил чарадан кlула жеда.
Гужлудаз тlулни вичин пис,
        кlан я вичин къуьнел хьана.

Гьар сада вич пlир я лугьуз,
        къекъвейтlа чун усал я хьи.
Сада садал элуьхънариз
        им са яхун сегьне хьана.

Ажуз, лавгъа терг авуна,
        акьуллу кар хийир я чаз.
Сада садаз гьуьрмет ийин,
        мадни хьуй чун вине хьана.


Рецензии