Акваз-такваз акъатна мад,
Са йис фена чи арадай .
Алукьайла шад цlийи йис,
Кьамир вуна зун чарадай.
Уьмуьрар я катна физвай,
И кар а кар вуна лугьуз.
Фейи йисар рикlел гъизвай,
Чир хьанач ваз уьмуьр тухуз.
Ваз кlан хьанач,эцигнач чан,
Сад Аллагьди гуй ваз къуват.
Гьакьван яни уьмуьр хъсан?
Къазанмиша жуваз рухсат!
Яшар фида...аквадач гьич,
Са шад легьзе,багърияр.
Фейи уьмуьр ахвар я вич,
Ахъаймир заз дердияр!