Са нянихъди ацукьай кьвед,
Рахаз-рахаз экв хьана,
Сад садалай хьана намерд,
Ягьсузвал зирек хьана.
Яраб никай рахазватlа
Кьве итим ик1 дикъетдив,
Нин шаталар ч1акьвазват1а,
Есир хьана гъибетдин.
Чарадакай фитне авун.
Кьазва хьи са дамах яз,
Итимсузвал вине авун,
Аквазва хьи даях яз.
Фитнедивди рахазвайди
Лугьумир хьи - гьайван я.
Ви шаталар ч1акьвазвайди,
Эркек хьайт1а хъсан я.
Хата туш бирчек хьайитlан:
Гьайиф, бармак къит хьана.
Къизил гьикьван гьек гайитlан,
Ни лугьуда - фит хьана?
Усалдини низ герек я,
Пехил рикlиз тlар хьана.
Усалдан тlварни кепек я,
Вич хьтин дустар хьана.
Чаз лайихвал тlимил авач,
Йифди рахун къимет я.
Я лугьумир, делил авач,
Чи къамат чаз девлет я.
Чи къаматдал леке гьалчиз
Алахъайди батlул туш.
Фагъир я ам, бенде гьажиз,
Эркеквилинни тlул туш.