Инсанди вич фад рекьидач лугьузва,
Жегьилзамаз вилик пад гьич кьан тийиз!
Ахпа кьена меселай ам жегъизва,
Са к1усни мад нефес гьич ч1угван тийиз.
Эй, я инсан, фикир ая вуна къе,
Гьик1 ви кьисмет жедат1а сурун къене.
Пулар, к1валер-гьич са зат1ни куьмек жеч,
Я паб, аял гьа юкъуз ваз герек къвеч.
Гьар са касди жува-жуваз суал це:
Вуч паталди Аллагьди чун халкьнава?
Вуч паталди и югъ-йиф ваз ганва къе?
Гьин патахъти вуна уьмуьр гьалзава?