Захъ уьмуьрда са чlал ава,
Дагъдин гьава хьиз кlан я заз.
Рикl алай багъ,са сал ава,
Кам вегьена физ кlан я заз.
Вучда на мад девлетрикай,
Чин тийирла ваз лезги чlал?
Мад Ватандин сергьятрикай,
Ван къвез,кваз такьур,лезги чlал.
Квез герек я а буй тlарам?
Чlалан къадри ваз тахьайла.
Бес жедачни тlуьр фу гьарам?
Саламдиз,салам тагайла.
Чlални Ватан язва кьве вил,
Абур вахъ тахьайтlа вучда?
Чlал квахьайтlа жеда есир,
Лезги,туш лагьайтlа вучда?