Йигирма уьчюне февральны
Яш хаты язылгъан къызымны,
Юрекден сатыры акъпейил
Къутлаву акъдыра гёзьяшым.
Юрекге аявлу сёзлери,
Бал тёге талчыкъгъан гьалыма.
Охуйман сувлана гёзлерим,
Сагъынчлыкъ елетип жаныма.
"Себелеп шатлыкъны атама,
Аявлу саламлар айтаман.
Гюнешдей кёкдеги шавлалы,
Байрамын къутлайман атамны!"
Пегьливан ойнайгъан гьарплары,
Дев йимик къуватлы сёзлери.
Къата къан охуйман жанланып,
Гёзьяшдан толтуруп гёзлерим.
Умутда етишер заманлар,
Иржайгъан язбашны гюнлери.
Сыйпажакъ къызымны чачларын,
Уявда - гёреген тюшлерим.
Автор: Адилгерей Минатуллаев