Мустафа Мугьаммада сирдаш хьайи
Загьра ханум Фатима юлдаш хьийи
Мезлум Гьусейнан Гьасанан даш хьайи
Гьар шиидин дердини дарман Али
* * *
Мез я ви къуръан Али
Вун я чи дарман Али
Хьуй чи чанар чан Али
Ви рекье къурбан Али
* * *
Дяведа хейбер къаладин хай ракlар
Касди къуватдихъ авачир гьич кьадар
Тир ама аскер гъиле хьай зулфикъар
Дуьньяда машгьур хьайи тlвар ван Али
* * *
Зурба къуватдивди ацlай чан хьайи
Дяведа жуьрэтлу рикlин хан хьайи
Динди даях диб кьеви къалхан хьайи
Я азиз Аллагьди сад аслан Али
* * *
Гьар са етимдиз пара тир вун багьа
Тир абуруз вун хажалатрин чара
Гъамлу балайрин язухъар къвез пара
Рикl йифериз бул хьайи пашман Али
* * *
Дуьньяда мелъуьнри мусибат акур
Гьар са зулумкарди зулум эх авур
Вуч ви рикlе бул хьана регьмет сабур
Ин фана дуьнья хьайи зиндан Али
* * *
Гьар са кlвалахдал адалат гьакь гавай
Вич дири къуръан хьана дуьз рехъ къалай
Амма ви гьуьрметни къедир чир тахьай
Бязибуруз вун хьана душман Али
* * *
Кябеда хьай кас я уьмуьрдин эвел
Язва шагьид мискида хер хьай кьилел
Саждада Аллагьди кlвалин пак чилел
Кенле гапурдал пад авур чан Али
* * *
Гьич рикlелай садрани фидач ви тlвар
Гъай ви кьилел гужлу мусибат йикъар
Эй агъа кьиляй фейи ивид вацlар
Хьуй чи чанар ви рекье къурбан Ал