ЦIимхара ва хIанз Микоша –
Ший "буввах"* чуийна воал.
Йисте, гIо деш ва цун воша –
Цунна из вIаштIехьа доал.
Лера вац из хIанз а шаьра –
Доалар ши шу мара дац.
Цудухь, Iимадашца мара,
Вешийга дIаала хац.
Цкъаза хул Микоша бирса,
Кхийна къонах мо, охца.
Бакъда, хилац вIалла зовза,
Оамал хьа а гойташ говза.
Велхар наггахь мара дац.
Из велхар а – хилча вас.
Мецвелача-м Iелуш вац,
ЦIа меллад йоахийташ оаз.
ТIера ва из мультикашта,
Кхы цхьаццача ловзоргашта…
Денош дIакхухьаш ший иштта.
Воккха хургва из кIаьнк кастта.
26.02.20.
----------------
*"Бувва" - машенг