Са вежарий, хьамсара малкхарой,
Шо тахан цхьана гулденнад.
Мехках доахаш, хинна миска бой
Дагадоха, маьл кхайбе даьхкад.
Оаш кодабу Iаьржа бала хов сона,
Цхьаккха хIаманца бусталургбоацаш ба.
Хало чlоагIа яр тIакхаьчар шоана,
Шо доханзар, дизза къам дийна да!
МоастагIа велар шун къаман фу хоададе.
Цун тийшаболх хаьрцар, чакхбаланзар.
Кхувш доагIача ноахала фурт ураоттаде,
Шо ца дохаш, Даймехках кхийттар.
Шоай фусамашкара арадаьха, къиза,
Лелхадаьдар, цIа ма доагIалда аьнна.
МоастагIчун низ ийша болг дIахайта
ЦIадаьхкар шо, гIо даьрашта баркал аьнна.
Хало дIаяьннай аьнна вайна
хете а,
Вай ца дезаш, къувсараш корабоагIа.
Бакъда, царна хетар чакх ца далийта,
Шо ди тIехьа дебаш дегIадоагlа.
Матенаькъан Илез
08.03.2020.