Ираз дайна воI!

       
Нана ягIа воIага хьежаш,
Корта лоа мо кIайбеннаб.
ВоI ва нанна сагот воацаш,
Айлаюкъе из ваьннав.

Бийса кIоаргга дIачуяхай,
ВоI чувена воалаш вац.
Нана, хьежаш, дукха ягIай,
Из-м, наб хьакхеташ яц.

Нана ягIа сатем боацаш,
ВоIа духьал арайоал.
ВоI ва, малар менна воагIаш,
ГIаьлен пашк, цун киса йоал.

- ХIана лел хьо, ираз дайна? -
Нанас йоах, воIага елхаш:
- ХIана лел хьо, акхаваьнна,
Наха, хье соввувлийташ? -

ГIарью воIа ший наьнага:
- Са каша саг воаг1аргвац.
Хьайола, хIанз со чувига,
ДIахо долчоа шек со вац. -

Нанас халла хьал а лаьце,
Ший воI цIагIа дIачутетт.
Чам болаш из къаракъ деце,
Яхаш воIа цIогIа детт.

Уйла ю нанас, ше-шийца,
"Хьан баьккхар, бахар хьох?
Аз ваьвар хьо, мехка лаьрхIа,
Халкъа моастагlа, хилар хьох"!

Цхьанна нанас Iо ма лолва,
Наха совваргвола воI.
Вича, дукха ма вахалва,
Ший къаман яхь йоаца воI.

Матенаькъан Илез!