Безам бий хьа, гуйренца ловзавала?
ЮвргIа тIaкхоллаш мо гIaьнашца къайлавала?
Даимленца ийна доагIaча дикаца хила,
Дицде хьай сагото, гIaйгIa, бала?
Бий хьа безам байташца хестаде хьай вахар?
Ираза хьоаса наьха дегашка кхестабе?
Хьай бIаргашца хьеста хьайна безарий вахар?
Сийрдача уйлашца хаоттам ловзабе?
Гуйран хIара дено машар, ираз, фарал кхайкаду.
Цун оаз лерге еча, из цайоаеш дага лоацалу.
Гeрахьа массадола дийнаташ къоагалу.
Iaн дeхьола даха, гуйренца Iaдика ювца уж кийчлу.
Цхьаволчун чам ба дунен тIарча вархарах хоттале.
Наьха дегаш ший иразаца деладе.
Сона чам ба камаьрша ер гуйра хестае.
Иразах хьерчаш гIанашка ваьнна гуйре совсае.
Сентябрь 2017.
Матенаькъан Илез