БIаьстий яьлча, сомабаьле,
Нокхармозо бIи цIенбу.
Мерза цIа хьалдиза лаьрхIе,
Цо ший болх дIаболабу.
Баь тIа дагIа. дукха, хоза,
КIай, IажагIа зизилгаш.
Моз ба Iалам хеташ хоза,
ХIара зиза, гон тIа ухаш.
Кхыча мозо къахьийгача,
Зиза тIа из вIалла хац
Модз даккх лаьрхIа ше хайнача,
Кхы боа моза тIабайташ бац.
Ше Iоадаь модз, чу а дихье,
Улхача цо Iочудотт.
Хиннача халонна духьал этте,
Ший балха тIа юха отт.
Матенаькъан Илез