Хала да-те, хьо хьай яIан да ца хилча!
ДоагIар-додар, хьай ийланца де хьа кара ца хилча.
Хьога хаьтта хIама доацаш, хьа вахар, кхычо каралаьцача.
Сагаца къувсса хала да, дош ала йиш ца хилча.
Цунна бала бац, хьо могаш вацар аьнна,
Из, ше яхар хьона оттаде гIерташ ва!
Алал сога ва нах, деций хала, ший са кара ца хилча?
Ший дега ийлаш ловзае, сага аьттув боацаш хилча?
Адомо кхетаде доагIар, ше, са даьлча, мича кхоачаргва.
Цу кIалваьлча шийга наьха хьалаш хеттаргдий.
Хьалха тамаш хетар, наьха вахар тедаш, адам да аьннна хезача.
ХIанз-м кхетадаьд аз, наьха гота каралаца адам гIортильга.
Набахта вахар гIойле я те, ишта кхеставайтачул.
Вахар мичад, хьай са кара ца хилча, Iа дуар.
Совцаргбий-те харцон тIехьабаьнна лелараш?
ТIаяргйий-те адамий дегашта сердал лоаттаю бокъо?
ЦаI-м хов сона! Хала дале а тохаш хила веза са.
Бакъда, къонах эсалвала вIалла мегаргвац!
Нагахьа моге, зулам доацаш вахар эргадаккха.
Со ма вагIа, дегIар хургда яхаш, хайна.
Матенаькъан Илез