Ла дувгIа, хIай саг!
Хьога лув со.
Ер пана дуне,
Сел хьамсара ма хета.
Из Даьла нийса дин
Хьайга кхаьча долашше,
Цу Далла-м, доаггIача тайпара
ГIулакх диц Iа.
Хатта хьайга
Фу деза хьона, укх дунен чу.
ЛоархIам, сий, ахча,
Е массаза дийна хилар?
Миччахьа хьо вахарах,
Укх дунен тIа гургда хьона,
Саг дIаволла
Каша лахьта доаккхаш.
Диц ма де Iа,
ХIай, са хьамсара воша.
Валар массанега кхоачаргдолаш да.
Цкъа каша чу хьежача,
Кхоачам беций,
Укх дуненга Iеха ца вайта?
ДIакхета хьо, хIай са воша,
Цу баьдеча лахьтийчу
Хье цхьаь вижа везалга.
Вахар цхьан юкъа бола
Сакъердам мара боацилга,
Укх дуненга Iеха вайта
Дехке вала мегаргвац.
Йита дуненгара Iаьржал,
Къематден сердало йовза хьайна.
Наха гIулакх деш,
Накъа воалаш, ваха хьажа, –
Къематден тешал де.
ГIончий хургба хьа.
Матенаькъан Илез