Боккхий нах сона беза дукха,
Цар вай Iовдалал дIайоакх.
ДоттагIий а беза сона дукха,
Цар вай сагото дIайоакх.
Иштта болча доттагIех,
Ба, са хьамсара новкъостий.
Дала деннача деналах,
Биза ба, са вежарий.
Царех цаI вувца лов сона тахан.
Из ва кадай Мухьаммад.
Дала везваь вайтача Элчан,
ЦIи йолаш ва Мухьаммад.
Нагахьа, гIайгIа хьога яле,
Из хьажа хьога воагIаргва.
Лазаро хьо лаьца вале,
Хьона цо дарба хьехарда.
Фуд из, ва нах, доттагIал,
Атта дий из леладе дегIаца?
Массаза гучадоахаш денал?
Хила веза эздий ший дегIаца.
Хьо вахалва, Мухьаммад,
Хьай дезало дог хьесташ.
Хьо лелалва, Мухьаммад,
Хье мо доттагIий болаш.
Матенаькъан Илез