Са вIаштIехьа доацар, воше, Iа ма деха согара.
Хьо дIакхета, уйла йолаш вац со вахар чоалхадаккха.
Сона хала да, Iа сайга дехар кхоачашдаь товр де хьа дега.
Хьо-м, сох кхеташ вац, хьа-м безам а бий хьогI кхета!
Магац сона, хьона, духьалваьнна цатовр де,
Бакъда, Iа яхар а дац кхы атта доалаш са карагIа.
Хов сона хьо сай вахара кеп толхае уйла йолаш воацилга.
Хьайна кхычахьа оамал бе, ма гIерта соца чIоагIъе хьай из лар.
Уйла ю аз, фу дар те, хьа дехар кхоачаш дича,
Дего тешам бац цох яхаш, сога хоам бу даггара.
Хеталу, дIаходода вахар хургдий тIаккха боацаш сона бала?
Ца хетаре, хьа дехара мутIахьа хила со кийчча вар.
Са къамаьлах дог гIоздаьле хьо Iеха ма лелахь.
Са уйла цIаьхха кIалтIаяьнна хувцаяла тарлу хьона.
ТIаккха а, бала боацаш из чакхдаргда аьнна хете.
Iа яхар кхоачаш даь, аз товр дергдац хьона.
Матенаькъан Илез