Ена кхаьчар дошо гуйра,
Из я масса долча коа.
Шийга саттесачарна дера,
Iалам IажагIа деннадоа.
Сомаш, хаьсаш, дуарг мел дар
Кхаьча, гуйранца дIаэттар
Ахкан царца къахьийгачар,
Гуйренца шорта чуийцар.
Я из гуйра кIаьда, хоза,
Дошо беса, камаьрша я.
Бакъда, латтац къага массаза,
Iано тетте эккхаеш я.
Оалхазарашш, ашараш лекхаш,
ТIеххьара Iадика ювцаш да.
БIаьстий яьлча дукха цаговш,
Юха мехка доагIаргда.
Матенаькъан Илез