Хъуьт/уьн югъ тир экъеч/на зун куьчедал,
Жагъурна за фидай пад кам виликна.
Тирвиляй зун ашукь кас зи Куьредал
Зун адаз хьиз зазни къе ам килигна.
Карагзавай вилерикай чкаяр
Гьич садрани акъат тавур фикирдай.
Чуплах тирт/ан тарарик квай ачаяр
Заз ак/ тир , зун физва дагъдин жигъирдай.
Анжах пелтейри цаварай аватиз,
Гиширар жез тунавай зун суьгьуьрда.
Живер, мекьи кьуьд рик/елай алатиз
Къекъвезвай зун Ватан аваз фикирда.
Эхтибарнай зал живедин ц/верек/ри ,
Мукъаятдиз къвез зи гъилел ацукьиз.
Элкъуьриз чеб алмазриз хам чигедин
Капун юкьвал са ст/ал жез амукьиз.
Тек са чка фикирдаваз хайи чил,
Чуькьвена за ст/ал къайи гъилевай.
Тек са чка заз багьа тир , галай вил
Эрзиман я вун акун зи рик/евай.