Дзеля смеху неба снегу
нам пасыпле на галовы.
А зімою нам на шапкі
не насыпала й паловы...
Пакрасуецца смяшлівы
красавік на свята жартаў.
Белы снег на грушы, слівы -
паглядзець на гэта варта.
А пазней нібыта ўспомніць
ветрык гэтыя падзеі,
і раздзьмухае, разгоніць
квецень, дрэвы што надзелі.
І пасыплюцца пялёсткі,
і закруцяць піруэты,
і запомняць нават воскі
на ўсё лета танец гэты.
31.03.2020 18.45
воскі - (осы)