Гьудул дуде бугин, рек1ел къвариг1ел,
Къварилъи чучизе гьабе г1едег1ел!
Г1едег1ун къвал базе, щвезабе рег1ел,
Раг1алда щун бугин, ях1алъул лъуг1ел!
Мунгун дандч1вач1ого, борч1араб лъаг1ел -
Г1ищкъул дардалъ рек1елъ бик1к1араб рог1ел!
Дир щавкъалъул нухлул, эхедерег1ел,
Эхебе рег1улеб, анищан т1аг1ел!
Дир рак1алъ ах1улеб, х1асраталъул г1ел -
Балай ккараб каранлъ кор лъолеб ц1аг1ел.
Рокьул ц1а хурхич1еб, г1ун бач1унеб г1ел,
Ц1а ккедал къварг1улин, г1ищкъул ц1адаг1ел!