ГЬИНВАТIА…
Гад вуч фад акъатна, чIур хьанва гьава,
Гару юзурзава хилер дакIардин…
Къецеллай зайиф экв гьатзава къава,
ИчIивал гузва заз ванци ракIардин…
Эхиз хъуьрезватIа хажалат, гъамар,
АкI тахьуй къван я зун, гьисзавач тIалар,
Ингье, агатзава хаинрин камар-
Тандикай кватнава дердин кIватIалар…
Килиг, яргъи авур гъил ама цава,
Адакай катзава патав гвайиди.
Белки кьаз кандайди…яргъара ава..
Белки чIав атанва гуьдай цайиди?
Чуьнуьхиз алахъда хирерин гелер,
Са мана авачир женгера хьайи.
Секинвал це гила, герек туш хъилер
Лугьумир, сефил я, уьмуьрди кайи…
Гад вуч фад акъатна,чIур хьанва гьава,
Гару юзурзава хилер дакIардин,
РикIиз вуч хьанватIа- фул акатзава,
ГьинватIа ...жагъизмач зи валокардин…
Б.А. 01.09.19