ВИ ВАН

 
Са ванцихь гъарикI яз йиф акъудна за,
Са ванцихъ къарих я экуьн кьилелай,
Са ванцин суракьда ийизва суза,
Билбил хьиз хъуьредай  тарцин хилелай.

 
АватIа дуьняда мад и ванцикай-
Гъил хьана даях хьиз  гъиликай кьадай.
Ам- булах, авахьдай дагъдин къванцикай,
Какахьай хиялар цIиргъина твадай.
 
АкI жезва, фаданлай чизва заз а ван,
Алахъдай са руьгьдиз   секинвал хкиз.
Саки пек, махпур я- хару я гьикьван!
Гатфарин миливал гъизва гьиссериз...
 
Ракъин нурарал хьиз кIанда заз алкIиз,
А ванцел, легьзеда элкъвена ванциз!