***

            Гъулан сурат
Художникди рангар` инди зигруси,
ЦIарар` инди гъизигунза яв сурат.
Дизригди узхьан гъузуз даршлуганси
 Гьибгъру вахтна.Узуз туврава кьувват.
Ивунза думу цIарариъ увухьна
Вуйи гьиссар, ярхла юрдариъ гъюрхю.
Гъуларин аьгьвалат дигишра дубхьна,
Улихьдин аьдатар микIари гьюрхну.
 Мягьлайиъра, узу гъабкIу бицIиган,
Йиз хулан шилкьана бихъурадарзуз.
Думу алдабгъну йирсира гъабхьиган,
Диву цIийиб йизубси гьибгърадарзуз.
Адар мушваъ ялгъуз йизуб вуйи мурччв,
Набшди дюн`яра  улупру  бицIи унчIв?
Амдар фукIа. Анжах гъубзна кIваъ вари:
Аьхю хизан, къанунар ади гъабхьиб…
Гъулан жилгъйириъ узухъди  гъахьидар,
Кючйириъ лицурушра я  гьахьурдар.

Улихьдин шиклар уларикк гъузнайиз,
Багъри хал, хизан, гъул кIваълан гьархдариз.