***

Уьбхюрхьа чIал…

 Уьбхюрхьа чIал, гележегдин тIурфнари
Думу гьипну, гьич наанкIа дурубхуз.
Дуфну, дургу чIаларинра арайигъ,
Саб вахтнара ихь багъри чIал гъюдрубчIвуз.

Уьбхюрхьа чIал, яшайиш касиб дархьуз,
Лай – лай йивуз шинтахъ ихь чIалниинди.
«ЧIал гъудубгдар» ухьуз сарира дарпуз,
Хъюгъюрхьа думу уьбхюз вахтниинди.

Уьбхюрхьа аьсрар` ан гъубзнайи савкьат,
Улин ниниси, вартIан багьа шейъ` си,
Уьбхюз хьибдар, эгер ухьу гъапIиш кьан,
Сабхилди чарйир дизригиш, милаъси…

Я бабан, я жара чIал дишди аьгъдру
Инсанаригъ му ихь наслар гъядрахьуз,
Дарфуз йигъарра ихь уьмриз чIал амдру,
Гьар сар чалишмиш шулхьа думу уьбхюз!