***

Узхьанра гьедрерхди…

Узхьанра гьедрерхди йиз кIваъ абхьу гьисс
Адар дубгри, гъягъюрашра швнуд сад йис.
Адаршра ич арайиъра гюрюшар,
Йизси, дугъанра духьну ашра яшар,
Узхьан му гьисснахьан азад хьуз шулдар,
Дидиз яшар фтиз кIурушра аьгъхьидар…
Жигьилганси имиз юкIв гъийин йигъаз,
Гьисснан ялавну ивну хилариъ  саз…
Мяълийириъ кIураза ккунирикан,
Мюгьюббатну гъапIну ашукьра узкан.