***

                Б. Д.

За ви капал вири гъетер эцигда,
Варзни гъида ваз савкьват яз гун патал.
Ви кlвачерик вири цуьквер эцигда,
За гьар са затl муьтlуьргъарда вун патал.

Ви кlанивал зи илгьамдин лувар я,
Шииратдин кукlушрихъ зун тухузвай.
Заз вун акур мекьи кьуьдни гатфар я,
Вун патал я за гьар нефес къачузвай.

Гьатнава зун ви ашкъидин есирда,
Гьич са рушни ахквазамач вилериз.
Ви вилин нагъв такурай заз уьмуьрда,
Чара хьунин гьисс татурай рикlериз.