Зун дидеди шаир яз гьич хадачир
Алачиртlа адан пак рик1 шииррал.
Шиир кхьиз чарни къелем кьадачир
Эгер ашукь туширт1а зун шаиррал.
Зи дидедин пак нек1едихъ галазни
Шииратдин верц1ивал за дадмишна.
Вафаллу хва хьун паталди ч1алазни
Шиир кхьиз Давдакьа зун вердишна.
Зун шаир яз са зулун къуз къведачир
Рик1е аваз вишералди шиирар.
Инсанарни рик1из чими жедачир
Эгер абруз к1ан туширт1а шаирар.
Зи шииррал гзаф шаклу инсанрин
Дак1анвили даим къуват гана заз.
Ша,жуванбур,чи яшайиш хъсанрин
Виликди фин мерд крар гъиле кьаз.
К1елдай ч1авуз Сулейманан шиирар
Кьеп1ина зун ксудай лап хъсандиз.
Къуй к1елрай Алирзадин жавагьирар
Авуддайла мяфедай зун лакьандиз.