Дуьшуьш хьана къе вун зал
Це лугьуз ваз к/енивал.
Авурт/а за вилик кам
Чир жеда жал вуч я ам?
Турт/а ам за гъиле ви
Т/ал гьатда жал кьиле зи?
Гьайиф я заз квадрайт/а ,
Пад кьуна на гадрайт/а.
Гьак/ лагьанвай са гаф туш ,
Хьурай лугьуз зун ваз хуш.
Уьмуьрдин хъсани -пис,
К/ан хьун я авурди гьисс.
Гьак/ гуз жедат/а дурум
За вав агудда , гуз рум.
Багъ я ам цуз тарарни
Тум кьаз, к/ват/ на тварарни.
Квай ч/уру къач эч/ена,
Сафунай ягъ, кьеч/ена.
Вегь, гъваш цуьквер рекьел на,
К/анивал гъиз рик/ел на.
Бахтунай ац/ай къаб хьиз,
Гуда ваз, са жаваб хьиз.
Чи патав ам гьамбар хьуй
К/анивилер самбар хьуй.
За к/анивал гуда ваз
Анжах ваз чир хьухь ам кьаз.
Шагь, хьурай чаз к/анивал,
Къалуриз чаз ч/ехивал.