Гатуз дагъда гьикьван гьава чими я,
Кьуд пад гуьрчег,булахдин яд михьи я.
Рикlиз кlандай са къайи марф къванайтlа,
Серин чlавуз галчукдай шарф хьанайтlа.
Шур-шур ийиз рахаз жеда булахар,
Лекьеривни,гвачни ажеб дамахар.
Туна чилер лув гуз цавун булутра,
Дагъдин синел гужлу лувар ачухра.
Гатуз зи хуьр гьикьван гуьрчег аквазва,
Таран хилел билбил керчек рахазва.
Килигналди я тух жедач зи кьве вил,
Зегьмет чlугваз галат жедач зи кьве гъил.
Лацу лифер хкаж хьана цаварал,
Чалагъанди авур къурху чилерал.
Тух жедач хьи вили цавуз тамашна,
Гатфарни-гад кlантlа рикlел хкваш на.
Чалагъан- коршун.