Начагъ яз къатканва кефи авачиз,
Ифинди кузава лап ялавди хьиз.
Акъатиз курум гьекь явашдиз пелел.
Зурзазва на лугьун пешер хьиз хилел.
Эхир йиф акьалт|на алукьзава яр,
Т|арзавай вилери хуьзва рак|арар.
Тек са вун акваз к|анз акъатзава рик|,
Тек са вахъ гъариб я, гъариб я зун гьик|!
...Ингье, ахъа хьана явашдиз дак|ар,
Вичиз хас авазриз гьахьна к|вализ гар,
И аман ат|анвай меселлай тандиз, -
Саки кинарзава гару зи чандиз.
Амма, заз ак| жезва, таниш тир гъили,
Т|ал секинарзава мелгьамдив мили...
Теране Керимова Оруджева