Инан,инан бугюн магъа сюйгеним
Сюювюбюз бир мюълетге сатмадым.
Юрегимни от ялында яллатгъан
Мени къой деп,ёлунг гёр деп атмадым.
Сюювюбюз бозлай къалды къолларда.
Етим яшдай чапды узун ёлларда .
Турмай эдим сен аркъангны бурар деп
Бек инангъан сююв бичакъ урар деп.
Сююп-сюймей инсанны сююв елей
Болман дагъы,сюемен деп айтсанг сен
Яллайгъан юрекге нечик тын дейим?
Дув ел болуп магъа гене къайтсанг сен.
Къарлар ирип,бирден юрек талпынып
Гьатта гёнгюнг минг гьёкюнчлюклер бувса
Мен инангъан гёзлер бизге ёл чыгъып
Инандырма минг хыялларынг тувса
Инан,инан магъа бугюн аривюм.
Сени гёзлей кёп гёзьяшым акъгъангъа.
Аркъанг берип шо гюн сен бурулгъанча
Башгъа улан магъа юзюк такъгъангъа.