Жегьил чlавуз пабни аял,
Туна кlвале фена лугьуз,
Къазалмишдай хьана хиял,
Яргъара пул жеда лугьуз,
Итим лугьуз жедани ваз?
Гьич жуванбур хьанач рикlел,
Ачух дуьнья акур чlавуз,
Мискьи тир вун гзаф гъилел,
Уях хьана килиг цавуз,
Итим лугьуз жедани ваз?
Алат хьана шумуд йисар,
Я хуьр,хизан кlамач лугьуз,
Къекъвена вун ийиз фурсар,
Ирид салай хтай гатуз,
Итим лугьуз жедани ваз?
Гила жуван цlийи хизан,
Гъилел кьуна хуьх яз масан,
Я кlвал хьанач,я югъ хъсан,
Я ви кьили авунач ван,
Итим лугьуз жедани ваз?