***

ЭКУЬНИН
ТАВ

Хкахьна экв.
Мич1и я к1вал.
Вилиз таквар               
Атанва гьал.


Къула кузва
Буьркьуь ялав,
Ц1ун нав акьаз
Ава къарав.


Чкадилай
Крагъна зун,
Тентес хьана,
Галаз зурзун.


Кам вегьизва
Кьаз к1валин цал,
Шем жагъурна,
Курун патал.


Астадак1аз
Къекъуьриз гъил,
Кьац1ал, къапара,
Буьркьуь хьиз вил.


Гагь агъуз жез,
Гагь жез цуквал,
Къекъвез хьана
Кьунч1ал . кьац1ал…


Жегъин тийиз,
Мич1ивили вахт
Къакъудна зи.   
Хьана галат.


Рик1ел хтана
Цурцун жем…      
Аваз хьана
Баят тир шем.


Курзавай кьван
За ада шем,
К1вахьун патал
Шемин кьежем.*


Спичкадик
Къекъвенат1ан, 
Къулан патав               
Гваз хьана ам.


Тадидак1аз
Кекяна кьал
Курна за шем
Столд юкьвал.


К1вале авай
Шеэр вири,
Акунралди
Куьлуь, ири


Кьт1уз хьана
Са уьтери.
Чкайярни
Алаз жери.


Жуван чкадал   
Ахцукьна зун.
Мич1ивилик         
Хьанваз къувун:


Ч1улав гьиссер
Алт1ушна зал,
Зулуматди
Кьунва  хьи к1вал!

 
Кьарай  текъвез
Къвезва заз гъич1.
Йиф ийидан
Гила за ч1ич1?!


Гзаф зарул
Гьал я хьи мич1.
Буьркьуьвал я,
Кутазва кич1.


К1валин акун
Хьанваз усал,
Ктканвайла
Захъ къижни къал,


Гъугъван жезрла
Фикир, хиял,
Квахнавайла
Ийир тир гьал,


Садлагьана,
Акъатна т1век
Пад хьана мич1,
Хтана экв!


К1валин акун
Ала капал.
Чан акьалтна,
Чагъдик ква к1вал…


- Агь, экв, ви
Ч1ехи, михьи,
Чими, къулай,
Тавди хкана
Зун жув жувал…


Вун такьат я
Гзаф герек…
Мич1ивилер
Ийир гьелек…


*Кьежем (нугъатдин гаф) – шем кудамаз авахьзавай жимиди